Transcription
1
Monsieur, je vous ay escript par votre laquay si est ce que ne veux failhir vous
2
escrire ce mot pour Jehan de Cosme, présent porteur, auquel jay bailhé
3
ce que vous scavés. Yl y a six cens escus dor soleil et quatre cens escus pistolletz
4
comprins dix doubles pistolletz, qu'est la somme que demandés. Je prye
5
Nostre Seigneur luy plaise conduyre le tout. Au reste, nous sommes toutz en
6
bonne santé, D[i]eu merci. Par la lettre que jescris à madame de Gordes,
7
vous entendrés plus emplement de lestat de noz enfens. Je ne vous
8
feray discours de la brefve mort de monseigneur le conte, que Dieu
9
face merci, car je massure que monsieur de La Coste nobliera rien
10
de vous escrire. Bien vous assure que jen suis esté bien fort fachée
11
nous y avons perdu ung bon seigneur. Il sen fault toutz aller les ungs
12
après les aultres quand il plairra à Dieu. Ceulx d’Oranges ont mandé
13
auiourdhuy ceulx qui ont achepté le vingtain. Il ny a ung d’Apt et
14
laultre de Valence, e[t] ung d’Avignon, pour compter ce quilz vous
15
doibvent encores. Je les ay renvoyés à messieurs d’Apt, St-Sernin et
16
Cabannes, et ont tout compté et quereullé. Ilz vous sont
17[barré : red ] rebdevables le XVIIIe decembre prochain de trèze cens vingt
18
deux livres dix huict soubz. Ilz ont arresté quilz vous porteront
19avec le compte de ce quilz vous doibvent, [barré : sf ] le tout signé de
20
votre dict frère. Ilz sen veullent obliger à vous payer toute la
21
somme ce noel prochain comme ont dict après en havoyr
22
heu le conge desdictz conseulz et mont donné quelque
23
pointe de payer le tout. Et en est endroit, je me recommande
24
de fort bien cœur à votre bonne grace et prye Dieu vous donner la
25
sienne, acompaignée de longue et contente vye. De Gargas le
26
XVIIe octobre 1572. Je ne vous sarés dyre la peynne
27
que je suys, vous povés asés antandre lacausyon. Dyeu
28
me done grasa que ne le soyhe davantage. Je vous
29prye leur an mandé [barré : leur ] vostre avys é solysytés toujours
30
laudre. Vous ne sayés fère puls g[r]ande cheyse. Je prye
31
Dyeu me volloyr consolé é vous tenyr an sa seynte garde
32
é portesyon. Ylya puls dun moys é demy que ne lay fé
33
lautre va toutes les seymeynes à Gordes é pase ycy.
34
[Marge gauche, en travers : Je me suys falhye : ylya IIIIII c[ent]
35
escus pystoles, contant X double é IIII cent escus dor soleil
36
vostre mère Pierre de Pontevès